വിജയ് സിനിമ ‘ബീസ്റ്റി’ന് വിലക്ക്!
നെല്‍സണ്‍ സംവിധാനം ചെയ്യുന്ന വിജയ് ചിത്രം ബീസ്റ്റിന് കുവൈറ്റില്‍ വിലക്ക്. എന്തുകൊണ്ടാണ് ചിത്രം രാജ്യത്ത് നിരോധിച്ചതെന്ന് വ്യക്തമല്ല. കുറുപ്പ്, എഫ്.ഐ.ആര്‍ തുടങ്ങിയ ചിത്രങ്ങള്‍ ഇതിനു മുമ്പ് കുവൈറ്റില്‍ നിരോധിക്കപ്പെട്ടിരുന്നു. സണ്‍ പിക്‌ചേഴ്‌സാണ് ബീസ്റ്റിന്റെ നിര്‍മാതാക്കള്‍. വീര രാഘവന്‍ എന്ന ഇന്ത്യന്‍ ചാരന്റെ (സ്‌പൈ) വേഷത്തിലാണ് ചിത്രത്തില്‍ വിജയ് എത്തുന്നത്. പൂജഹെഗ്‌ഡെയാണ് ചിത്രത്തിലെ നായിക. സെല്‍വരാഘവന്‍, യോഗി ബാബു, ഷൈന്‍ ടോം ചാക്കോ, വിടിവി ഗണേഷ്, അപര്‍ണ ദാസ്, ലില്ലിപുട്ട് ഫാറൂഖി, അങ്കുര്‍ അജിത് വികാല്‍, സതീഷ് കൃഷ്ണന്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു.ചിത്രത്തിന്റെ സംഗീതം അനിരുദ്ധ് രവിചന്ദര്‍ നിര്‍വഹിക്കുന്നു, ഛായാഗ്രഹണം മനോജ് പരമഹംസയും എഡിറ്റിംഗ് യഥാക്രമം ആര്‍. നിര്‍മ്മലും നിര്‍വ്വഹിച്ചിരിക്കുന്നു.
ഏപ്രില്‍ 13 ന് റിലീസിനെത്തുന്ന തിത്രത്തിന്റെ ട്രെയിലറിന് വൻ വരവേൽപാണ് ലഭിച്ചുകൊണ്ടിരിക്കുന്നത്.
