കാത്തിരിപ്പിനു വരാമം; തരംഗമായി CBI 5 ടൈറ്റിൽ വീഡിയോ
പ്രേക്ഷകര്‍ കാത്തിരിക്കുന്ന ചിത്രം സിബിഐ അഞ്ചാം ഭാഗത്തിന്റെ ടൈറ്റിൽ റിലീസ് ചെയ്തു. സിബിഐ 5 –ദ ബ്രെയിൻ എന്നാണ് ചിത്രത്തിന്റെ പേര്. പതിനാറു വർഷങ്ങൾക്കുശേഷമാണ് മമ്മൂട്ടി സേതുരാമയ്യരായി എത്തുന്നത്. കെ. മധു സംവിധാനം ചെയ്യുന്ന ചിത്രത്തിന് എസ്.എൻ. സ്വാമി തിരക്കഥ എഴുതുന്നു. 1988 ഫെബ്രുവരി 18നാണ് സിബിഐ സീരിസിലെ ആദ്യ ചിത്രമായ ‘ഒരു സിബിഐ ഡയറിക്കുറിപ്പ്’ പുറത്തിറങ്ങുന്നത്. മേക്കിങിലും അവതരണ ശൈലിയിലും അടിമുടി മാറ്റങ്ങളോടെയാകും സിബിഐ വീണ്ടുമെത്തുന്നത്.
നെറ്റ്‌ഫ്‌ളിക്‌സിലെ ‘രഹസ്യ’ സിനിമകളുടെ കോഡുകൾ?!!
ചാക്കോയായി മുകേഷ് വീണ്ടുമെത്തുന്നു. ചാക്കോയ്ക്കൊപ്പം പുതിയൊരു ടീം ആകും സേതുരാമയ്യർക്കൊപ്പം. രൺജി പണിക്കർ, സായികുമാർ, സൗബിൻ ഷാഹിർ, ദിലീഷ് പോത്തൻ, പ്രശാന്ത് അലക്സാണ്ടർ, രമേശ് പിഷാരടി, ജയകൃഷ്ണൻ, സുദേവ് നായർ, അസീസ് നെടുമങ്ങാട്, സന്തോഷ് കീഴാറ്റൂർ, ഇടവേള ബാബു, പ്രസാദ് കണ്ണൻ, കോട്ടയം രമേശ്, മുകേഷ്, സുരേഷ് കുമാർ, തന്തൂർ കൃഷ്ണൻ, ആശാ ശരത്ത്, അന്നാ രേഷ്മ രാജൻ, അൻസിബ ഹസൻ, മാളവിക മേനോൻ, മാളവിക നായർ, സ്വാസിക എന്നിവർക്കൊപ്പം അനൂപ് മേനോനും പ്രധാന വേഷത്തിലെത്തുന്നു.സംഗീതം ജേക്സ് ബിജോയ്, ക്യാമറ അഖിൽ ജോർജ്, പ്രൊഡക്‌ഷൻ കൺട്രോളർ അരോമ മോഹൻ.
ദീർഘനേരം ഇയർഫോൺ ഉപയോഗിക്കുന്നവരാണോ നിങ്ങൾ? എങ്കിൽ ഈ മുൻകരുതലുകളെടുക്കണം
