ലക്കി സിങ് ആയി മോഹൻലാൽ; മോൺസ്റ്റർ ട്രെയിലർ കാണാം
ആരാധകർ ഏറെ പ്രതീക്ഷയോടെ കാത്തിരിക്കുന്ന മോഹൻലാല്‍ ചിത്രം മോൺസ്റ്ററിന്റെ ട്രെയിലർ എത്തി. ത്രില്ലർ ഗണത്തിൽപെടുന്ന സിനിമയിൽ ലക്കി സിങ് എന്ന കഥാപാത്രമായി മോഹൻലാൽ എത്തുന്നു. പുലിമുരുകന് ശേഷം മോഹന്‍ലാലിനെ നായകനായി വൈശാഖ് സംവിധാനം ചെയ്യുന്ന മോൺസ്റ്റർ ദീപാവലി റിലീസ് ആയി തിയറ്ററുകളിലെത്തുമെന്നാണ് റിപ്പോർട്ട്.
കാഴ്ചശീലങ്ങളെ പൊളിച്ചടുക്കി റോഷാക് – റിവ്യൂ
സിദ്ദീഖ്, ലെന, ഇടവേള ബാബു, ലക്ഷ്മി മഞ്ജു, ഹണി റോസ് എന്നിവരാണ് മറ്റ് പ്രധാന കഥാപാത്രങ്ങൾ. ഇതുവരെ കാണാത്ത ഗെറ്റപ്പിലാണ് മോഹൻലാൽ എത്തുന്നത്. ഉദയ് കൃഷ്ണനാണ് മോൺസ്റ്ററിന്റെ രചന. പുലിമുരുകന്റെ വമ്പന്‍ വിജയത്തിനു ശേഷം ആ ടീം വീണ്ടുമൊന്നിക്കുമ്പോൾ ആരാധകർക്കും പ്രതീക്ഷകൾ ഏറെയാണ്. സതീഷ് കുറുപ്പാണ് ഛായാഗ്രഹണം. എഡിറ്റിങ് ഷമീർ മുഹമ്മദ്. സംഗീതം: ദീപക് ദേവ്. കലാസംവിധാനം: ഷാജി നടുവിൽ. ആക്‌ഷൻ: സ്റ്റണ്ട് സിൽവ. ഈ വർഷം ഫെബ്രുവരിയിൽ റിലീസിനെത്തിയ ആറാട്ടിനു ശേഷം തിയറ്ററുകളിലെത്തുന്ന മോഹൻലാൽ ചിത്രമാണ് മോൺസ്റ്റർ. ആന്റണി പെരുമ്പാവൂരാണ് ചിത്രം നിർമിക്കുന്നത്.
