എയർ പോർട്ടിൽ ചുവടുവച്ച് സമാന്ത; ‘അറബിക് കുത്ത്’ ഡാൻസ് വേർഷൻ, വൈറൽ
View this post on Instagram
വിജയ് ചിത്രം ബീസ്റ്റിലെ ‘അറബിക് കുത്ത്’ പാട്ടിനു ചുവടുവച്ച് നടി സമാന്ത. താരം സമൂഹമാധ്യമങ്ങളിൽ പങ്കുവച്ച വിഡിയോ ഇതിനോടകം ആരാധകര്‍ ഏറ്റെടുത്തു കഴിഞ്ഞു. വിമാനത്താവളത്തിൽ വച്ചാണ് സമാന്തയുടെ പ്രകടനം. നടിയുടെ ചടുലമായ ചുവടുകളും ഗ്ലാമർ ലുക്കും പ്രേക്ഷകര്‍ക്കിടയിൽ ചർച്ചയായിരിക്കുകയാണ്.
നിരവധി പേരാണു പ്രതികരണങ്ങളുമായി രംഗത്തെത്തിയത്. പ്രണയദിനത്തിലാണ് ബീസ്റ്റിലെ ‘അറബിക് കുത്ത്’ പ്രേക്ഷകർക്കരികിലെത്തിയത്. ഇതിനോടകം അഞ്ച് കോടിയിലേറെ കാഴ്ചക്കാരെയും പാട്ട് സ്വന്തമാക്കിക്കഴിഞ്ഞു. അറബിക് ശൈലിയിൽ തമിഴ് ചേർത്തൊരുക്കിയ ഗാനത്തിനു പിന്നിൽ സൂപ്പർഹിറ്റ് സംഗീതസംവിധായകൻ അനിരുദ്ധാണ്. നടൻ ശിവകാർത്തികേയൻ എഴുതിയ വരികൾ അനിരുദ്ധും ജോനിതാ ഗാന്ധിയും ചേർന്ന് ആലപിച്ചു.
