ചായയ്ക്കൊപ്പം സ്വാദേറും അവൽ കട്ലറ്റ്!
കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന; അവലും ഉരുളക്കിഴങ്ങും ചേർത്തൊരു ടേസ്റ്റി കട്ലറ്റ് വളരെ എളുപ്പത്തിൽ തയ്യാറാക്കാം.
ആവശ്യമുള്ള ചേരുവകൾ:
അവൽ – 1കപ്പ്, ഉരുളക്കിഴങ്ങ് – 3, സവാള – 1, പച്ചമുളക് – 1, ഇഞ്ചി – ഒരു ചെറിയ കഷ്ണം, മല്ലിയില, ചോളപ്പൊടി – 2 ടേബിൾ സ്പൂൺ, അരിപ്പൊടി – 2 ടേബിൾ സ്പൂൺ, ബ്രഡ് പൊടി, എണ്ണ, ഉപ്പ്.
പാകംചെയ്യുന്ന വിധം:
അവൽ നന്നായി കഴുകി വെള്ളം വാർന്നുപോകാൻ 5 മിനിറ്റ് മാറ്റി വച്ചതിനു ശേഷം വേവിച്ച ഉരുളക്കിഴങ്ങും ബാക്കിയുള്ള എല്ലാ ചേരുവകളും ചേർത്ത് നന്നായി കുഴച്ചെടുക്കുക. ഒരു പാത്രത്തിൽ ചോളപ്പൊടി അല്പം വെള്ളം ഒഴിച്ച് കലക്കിയെടുക്കുക. കുഴച്ചു വച്ചിരിക്കുന്ന മിക്സ് കട്ലറ്റിന്റെ ആകൃതിയിൽ പരത്തി ചോളപ്പൊടിയിലും ബ്രഡ് പൊടിയിലും മുക്കി ചൂടായ എണ്ണയിൽ പാകത്തിന് മൂപ്പെത്തുമ്പോൾ വറത്തു കോരുക. അവൽ കട്ലറ്റ് റെഡി, ചായയോടൊപ്പം സ്വാദോടെ കഴിക്കാം.- Courtesy: Cooking with Mamatha, Youtube
