കോടികൾ പ്രതിഫലം വാങ്ങുന്ന തെന്നിന്ത്യൻ നടിമാർ

മുൻനിര നായക നടന്മാരെല്ലാം വലിയ തുകയാണ് ഓരോ സിനിമയ്ക്കും പ്രതിഫലമായി കൈപറ്റുന്നത്. നടന്മാർ മാത്രമല്ല നായികമാരും ഇക്കാര്യത്തിൽ ഒട്ടും പിന്നിലേക്കല്ല. അല്ലു അർജുനും രശ്മിക മന്ദാനയും അഭിനയിച്ച പുഷ്പ ദി റൈസ് 2021ലെ ഏറ്റവും വലിയ ഹിറ്റുകളിൽ ഒന്നായി മാറി. ചിത്രത്തിന്റെ ഹിന്ദി പതിപ്പ് ഇപ്പോഴും ബോക്‌സ് ഓഫീസിൽ വിജയകരമായി ഓടിക്കൊണ്ടിരിക്കുകയാണ്. സിനിമ വലിയ വിജയമായതോടെ നയൻതാര അടക്കമുള്ള മുൻനിര നായികമാരെ പിൻതള്ളി സൗത്തിൻഡ്യയിലെ താരറാണിയായി രശ്മിക മന്ദാന മാറി കഴിഞ്ഞു. മൂന്ന് കോടി രൂപയാണ് നടിയുടെ പ്രതിഫലമെന്നാണ് റിപ്പോർട്ടുകൾ.

ഇപ്പോൾ തെലുങ്ക് സിനിമാ വ്യവസായത്തിൽ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ ഒരാളാണ് രശ്മിക. രശ്മികയ്ക്ക് പുറമെ തെലുങ്കിൽ‌ ഏറ്റവും കൂടുതൽ പ്രതിഫലം വാങ്ങുന്ന മറ്റ് നടിമാർ പൂജ ഹെ​ഗ്ഡെ, സാമന്ത റൂത്ത് പ്രഭു, അനുഷ്ക ഷെട്ടി, കീർത്തി സുരേഷ് എന്നിവരാണ്.

2010ൽ മിസ് യൂണിവേഴ്സ് ഇന്ത്യ മത്സരത്തിൽ രണ്ടാം റണ്ണറപ്പായി കിരീടമണിഞ്ഞ പൂജ ഹെ​ഗ്ഡെയാണ് ഇന്ന് തെലുങ്ക് സിനിമാ മേഖലയിൽ ഏറ്റവും കൂടുതൽ പ്രതിഫലം വാങ്ങുന്ന മറ്റൊരു താരം. മൂന്നര കോടിയാണ് താരം പ്രതിഫലമായി വാങ്ങുന്നത്. തമിഴ് ചിത്രമായ മുഖംമൂടി, തെലുങ്ക് ചിത്രങ്ങളായ ഓക ലൈല കോസം, മുകുന്ദ എന്നിവയും 2016ൽ ഹൃത്വിക് റോഷനൊപ്പം അശുതോഷ് ഗോവരിക്കറുടെ ഹിന്ദി ചലച്ചിത്രമായ മൊഹൻജൊ ദാരോ എന്ന ചിത്രവും താരത്തിന് നിരവധി അം​ഗീകാരങ്ങൾ നേടിക്കൊടുത്തു. പാൻ ഇൻഡ്യൻ സ്റ്റാർ പ്രഭാസിനൊപ്പമുള്ള രാധേ ശ്യാമാണ് ഇനി റിലീസിനെത്താനുള്ള പൂജയുടെ ഏറ്റവും പുതിയ സിനിമ.

സാമ്പത്തിക ഉന്നതിക്ക് നിത്യജീവിതത്തിൽ പാലിക്കേണ്ട 7 കാര്യങ്ങൾ

പ്രതിഫലത്തിന്റെ കാര്യത്തിൽ ഒന്നാം സ്ഥാനത്തുണ്ടായിരുന്ന സാമന്ത ഇപ്പോൾ മൂന്നാം സ്ഥാനത്തേക്ക് തള്ളപ്പെട്ടിരിക്കുകയാണ്. ഇപ്പോൾ സാമന്ത രണ്ട് കോടി രൂപയാണ് ഒരു സിനിമയിൽ അഭിനയിക്കുന്നതിന് ഈടാക്കുന്നത്. പുഷ്പയിലെ ഒരു ​ഗാനരം​ഗത്തിൽ മാത്രം അഭിനയിക്കുന്നതിന് ഒരു കോടി രൂപ സാമന്ത ഈടാക്കിയെന്നാണ് സിനിമാ ലോകത്ത് നിന്നുള്ള റിപ്പോർട്ട്. ബ്ലോക്ക്ബസ്റ്ററുകളായ ബാഹുബലി, ബാഹുബലി 2 എന്നിവയുൾപ്പെടെ നിരവധി സൂപ്പർഹിറ്റ് ചിത്രങ്ങളുടെ ഭാഗമായ അനുഷ്ക ഷെട്ടി ഒരു സിനിമയ്ക്ക് ഈടാക്കുന്നത് രണ്ട് കോടി രൂപയാണ്. നിശബ്​ദമാണ്.

മഹാനടിയിലെ അഭിനയത്തിന് ദേശീയ അവാർഡ് നേടിയ കീർത്തി സുരേഷും രണ്ട് കോടിയാണ് ഒരു സിനിമയ്ക്ക് ഈടാക്കുന്ന തുക. മഹാനടിയിലെ പ്രകടനത്തിലൂടെ തെലുങ്കിലെ മാത്രമല്ല തെന്നിന്ത്യയിലെ തന്നെ സൂപ്പർ നായികയാണ് കീർത്തി സുരേഷ്.