അപരൻമാർക്കൊപ്പം വിരാട് കോലി; ഒറിജിനലിനെ കണ്ടെത്താമോ?
ഇന്ത്യൻ ക്രിക്കറ്റ് ടീം മുൻ ക്യാപ്റ്റൻ വിരാട് കോലി കളിക്കളത്തിലെന്ന പോലെ സാമൂഹിക മാധ്യമങ്ങളിലും നിറഞ്ഞുനിൽക്കുന്ന വ്യക്തിത്വമാണ്. കോലി മാത്രമല്ല, അദ്ദേഹത്തിന്റെ അപരൻമാരും സാമൂഹിക മാധ്യമങ്ങളിൽ ഏറെ വൈറലാണ്. ഒറിജിനലിനെ വെല്ലുന്ന രീതിയിലാകും പലപ്പോഴും അവരുടെ പ്രകടനം. ഇപ്പോൾ തന്റെ അപരൻമാരെയെല്ലാം ഒരുമിച്ച് കൊണ്ടുവന്നിരിക്കുകയാണ് കോലി.
Find the odd one out. pic.twitter.com/cJCpNGmQfP
— Virat Kohli (@imVkohli) February 20, 2022
വെസ്റ്റ് ഇൻഡീസിനെതിരായ മൂന്നാം ട്വന്റി20യിലും കോലി ഉണ്ടാകില്ലെന്ന് ബി.സി.സി.ഐ ശനിയാഴ്ച അറിയിച്ചു. ഇതോടെ 33-കാരൻ ടീം ഇന്ത്യയുടെ ബയോ ബബിൾ ഉപേക്ഷിച്ച് 10 ദിവസത്തേക്ക് നാട്ടിലേക്ക് മടങ്ങിയിട്ടുണ്ട്. ഇതോടെയാണ് തന്റെ അപരൻമാർക്കൊപ്പം ഇരുന്ന് ഫോട്ടോയെടുത്ത് സാമൂഹിക മാധ്യമങ്ങളിൽ പോസ്റ്റ് ചെയ്തത്.
ഒമ്പത് അപരൻമാർക്കൊപ്പമാണ് കോലി ഇരിക്കുന്നത്. ഒരു മേശക്ക് ചുറ്റും ഒരേ വേഷത്തിലാണ് എല്ലാവരുമുള്ളത്. കോലിയുടെ മാസ്റ്റർപീസായ താടിയാണ് എല്ലാവർക്കും. ആരാധകരോട് യഥാർത്ഥയാളെ കണ്ടെത്താൻ ആവശ്യപ്പെട്ടാണ് കോഹ്ലി ചിത്രം പങ്കുവെച്ചിരിക്കുന്നത്. ചിത്രം മണിക്കൂറുകൾക്കകം സോഷ്യൽ മീഡിയയിൽ വൈറലായി.
